Mayor Isko Moreno pasok sa MMFF, talent fee ibibigay sa PGH

Mapapanuod si Manila Mayor Isko Moreno sa pelikulang “3pol Trobol: Huli Ka Balbon” na pinagbibidahan ni “Ang Probinsyano” star Coco Martin.

Sa isang ABS-CBN interview, sinabi nito na gaganap siyang “city mayor” sa pelikula.

“I am grateful to Mr. Coco Martin and the staff… they included me in the movie.

Mga ano lang naman, a few scenes,” saad ni Mayor Isko.

Kanya naman binahagi na ang talent fee na matatanggap sa nasabing pelikula ay mapupunta sa Philippine General Hospital (PGH).

“Sabi ko sa kanila, ibigay nila sa PGH (Philippine General Hospital) ‘yung yadba (bayad) nila sa akin.”

Ang MMFF entry na “3pol Trobol: Huli Ka Balbon” ay ipapalabas sa Disyembre 25, Araw ng Pasko.