Itinalaga ni Pangulong Rodrigo Duterte si Senior Associate Justice Diosdado Peralta bilang bagong Supreme Court Chief Justice kapalit ng nagretirong si Chief Justice Lucas Bersamin.
Ang appointment ni Peralta bilang CJ ay kinumpirma ni Executive Secretary Salvador Medialdea.
May petsang Oktubre 23 ang appointment ng bagong Supreme Court Chief Justice.
Si Peralta ang ika-26 na Supreme Court Chief Justice at may termino hanggang sa March 27, 2022 na siyang retirement nito.
Kabilang sa nakatunggali ni Peralta sa puwesto ay sina Associate Justices Estela Perlas Bernabe at Andres Reyes Jr.
