Kumasa ang singer na si Britney Spears sa #DoYourPartChallenge na kumakalat ngayon sa social media para imbitahan ang lahat na tumulong sa mga nangangailangan sa gitna ng kaguluhang hatid ng coronavirus pandemic.
Sinabi ni Britney sa kanyang Instagram post na ang kapatid niyang si Jamie Lyn Spears ang nag-nominate sa kanya para sumali sa #DoYourPartChallenge.
“So our world is going through such hard times right now and my sister just nominated me to help people,” sabi ni Britney sa video na kanyang ipinoste sa Instagram.
“Whether it’s with food or I’m getting your child diapers, or whatever it is, DM me and I will help you out,” ayon pa kay Britney na pipili ng tatlong fans para tulungan.
Kasunod nito, pinili naman ni Britney sina Will Smith, ang kanyang boyfriend na si Sam Asghari, and one isa sa kanyang talent agents na si Cade Hudson.
“I nominate @willsmith @samasghari @cadehudson22.”
Ang #DoYourPartChallenge ay umiikot ngayon sa social media at sinasabing inumpisahan ng socmed influencer na si Anastasia Karanikolaou, isang childhood friend ni Kylie Jenner.
Layunin nito na tulungan ang mga pamilya at maliliit na negosyong naapektuhan sa nangyayaring coronavirus pandemic.
