Tinapos na ni Derek Ramsay ang pagkakaibigan nila ni John Estrada.
Sa interview with Ogie Diaz, sinabi ni Derek na hindi niya kaaway si John ngunit hindi na rin niya ito kaibigan.
“Hindi ko siya kaaway. Hindi ko siya kaibigan. He’s no longer a friend of mine. I just don’t want to associate myself with John,” saad ng Kapuso actor.
“Magsisinungaling ako kung walang kinalaman ‘yung nangyari kay Ellen, pero ‘yon ‘yung icing on the cake. ‘Yun ang nag-push sa akin na enough is enough,” dagdag niya.
Marami umanong mahirap na experiences si Ellen sa “John En Ellen” sitcom kasama si John.
“Naramdaman niya ‘yung galit ko. I think na-understand naman ni John kung saan ako nanggaling… Marami nangyari kay Ellen sa show na iyan. But, ibigay ko kay John. He was apologetic sa mga bagay na nangyari. Pero, there were certain things na ‘di ko na puwede tanggapin,” sey ni Derek.
“For me, you go on with your life, I’ll go on with my life. I wish you well, Bro,” dagdag niya pa.
Matatandaan na nagkakilala si Derek at Ellen dahil kay John ngayong taon.
