Dalawa lamang mula sa 13 munisipalidad sa Zambales ang mga ginawaran ng Department of Interior and Local Government (DILG) ng ‘ 2019 Seal of Good Local Governance’.
Kabilang dito ang San Antonio kung saan ang alkalde sa kasalukuyan ay si Mayor Preciliano Ruiz at Botolan na pinamumunuan naman ni Mayor Doris Maniquiz.
Sa kabuuan ay nasa 63 local government units sa Central Luzon ang pinalad na magawaran ng ‘Seal of Good Local Governance.’
Ginanap ang paggawad ng parangal sa Manila Hotel noong Nobyembre 5, 2019.
Ang parangal ay iginagawad ang DILG sa mga LGUs na pasado sa pitong panuntunan:
Financial Administration, Disaster Preparedness, Social Protection, Peace and Order, Business Friendliness and Competitiveness, Environmental Management, and Tourism, Culture and Arts.
