Ayuda para sa mga PUV drivers, kasado na! Kasado na ang pagbibigay-ayuda sa mga Public Utility Vehicles (PUVs) drivers matapos pirmahan ang Joint Memorandum of Agreement para dito ng
Department of Social Welfare and Development (DSWD),
Department of Transportation (DOTr),
Land Transportation Franchising and Regulatory Board (LTFRB),
at Landbank of the Philippines (LBP) kahapon, 3 Abril 2020.
Sakop ng nasabing kasunduan ang mga drayber ng
Public Utility Jeepney (PUJ),
UV Express (UVE),
Public Utility Bus (PUB),
Point-to-Point Bus (P2P),
Taxi,
Transport Network Vehicle Service (TNVS),
School Transport, at Motorcycle (MC) Taxi na maaaring makatanggap ng cash assistance sa ilalim ng Republic Act No. 11469 o Bayanihan to Heal as One Act.
Magbibigay ng listahan ng mga tsuper ang LTFRB upang ikumpara ito ng DSWD sa kanilang listahan ng benepisyaryo ng Pantawid Pamilyang Pilipino Program (4Ps).
Sa oras na maaprubahan ng DSWD ang listahan ng mga benepisyaryo, magsisimula na ang paglipat ng pondo mula DSWD papunta sa LBP.
Ang nasabing ayuda ay maaaring makuha sa pinakamalapit na LBP branch ng mga kwalipikadong tsuper.
Tuloy-tuloy naman ang pakikipag-ugnayan ng DSWD, DOTr, LTFRB, at LBP upang mapabilis ang proseso ng pagbigay ng ayuda sa mga tsuper na nangangailangan ng tulong sa gitna ng Coronavirus Disease 2019 (COVID-19) pandemic na nararanasan sa bansa.
Part 1: https://chos.ph/ayuda-at-tulong-pinansyal-ng-gobyerno-sa-panahon-ng-quarantine-part-1/
Part 2: https://chos.ph/ayuda-at-tulong-pinansyal-ng-gobyerno-sa-panahon-ng-quarantine-part-2/
Part 3: https://chos.ph/ayuda-at-tulong-pinansyal-ng-gobyerno-sa-panahon-ng-quarantine-part-3/
Part 5: https://chos.ph/ayuda-at-tulong-pinansyal-ng-gobyerno-sa-panahon-ng-quarantine-part-5/
Source: Philippine Information Agency, Department of Transportaion, April 4, 2020
.){kind=link}